Njeriu duhet të zgjedhë emrat më të bukur për djalin apo vajzën e tij. Emrat më të dashur tek Allahu janë Abdullah dhe Abdurrahman, si dhe çdo emër që i shtohet (shoqërohet) emrave të Allahut si; Abdullah (rob i Allahut), Abdurrahman (rob i Mëshiruesit), Abdurrahim (rob i Mëshirbërësit), Abdulaziz (rob i Ngjadhënjyesit), Abdulvehab (rob i Dhuruesit), Abdulkerim (rob i Zotit Bujar), e të tjerë si shembulli i tyre.
“Lika el bab el meftuh” 2/171.
Mendimi i shumicës së dijetarëve është se lejohet emërtimi me emrat e melaikeve (engjëjve) si Xhibrili dhe Mikaili.
Imam Maliku përkrah mendimin se është i urryer emërtimi me emrat e melaikeve (engjëjve). Esh-hebi ka thënë: “Është pyetur Maliku për emërtimin me emrin Xhibril dhe ai e urreu diçka të tillë dhe nuk e pëlqeu.”
Shejh Ibën Uthejmini, Allahu e mëshiroftë, ka thënë: “Nēse ndonjëri dëshiron ta emërtojë (fëmijën) me një emër prej emrave të melaikeve, i themi mos e emërto, p.sh.; Xhibril ,Mikail apo Israfil.”
“Lika el bab el meftuh” 14/67.
Shejh Bekër Ebu Zejd, Allahu e mëshiroftë, ka thënë: “Ndalohet emërtimi i vajzës me emrat e melaikeve, sepse kjo është përngjasim i fjalës së idhujtarëve të cilët i konsideruan melaiket si bijat e Zotit. I pastër dhe i lartësuar është Ai nga kjo mangësi. I afërt me këtë gjykim është dhe emërtimi i vajzave me emrat Melak, Meleketu dhe Melek.”
Marrë nga: “Mu’xhem menahi el-lafdhije” fq. 565.
Përktheu: Arjan Gazidede
Dosje: Porositë e Etërve
Të Ngjashme
- Si ka mundësi që Allahu ua jep dynjanë jobesimtarëve?! Emin Bilali
- Cilat ishin fjalët e fundit që tha Profeti para se të largohej nga kjo botë? Udha e Besimtarëve
- Cila është mënyra më e mirë për të memorizuar? Meshhur Hasen
- A kthehet shpirti i të vdekurit tek familja dhe tek shtëpia e tij? Udha e Besimtarëve
- Lidhja e shpirtit me trupin Ibn Kajim el-Xheuzije