Enesi transmeton se Profeti sal-lAllahu alejhi ue sel-lem ka thënë: “Allahu i Lartësuar do t’i thotë banorit që ka dënimin më të lehtë në zjarr: “Sikur të kishe gjithë çka në tokë a do ta kishe dhënë për të shpëtuar? – Thotë: Po. – Thotë Allahu: Të kërkova diçka më të vogël se kaq që kur ishe në shpinën e Ademit; të mos më bëje shok asgjë, por ti këmbëngule të më shpifje ortakë (të ngjashëm).” Muttefekun alejhi.
Ti nuk pranove të më luteshe vetëm Mua por kërkove ndihmë edhe nga të vdekurit. Nuk të mjaftoi fakti që të më luteshe drejtpërdejt Mua, por më fute në mes ndërmjetës për të cilët Unë nuk të shpalla asgjë.
Nuk e besove fjalën Time se vetëm Unë e di të fshehtën, por shkove e kërkove atë tek mashtruesit djallëzore, tek horoskopi dhe tek yjet në një kohë që ata s’janë krijuar për atë punë, tek llumi i kafes tënde…
Të tregova se fatin tënd e kam shkruar Unë dhe vetëm Unë e kam në dorë ta ndryshoj, dhe të mjaftoj si mbrojtës nga çdo e keqe nëse mbështetesh tek Unë, por ti s’më besove. Shkove vare hudhra që Unë i krijova si ushqim për ty, vare brirë kafshësh, sy magjik, e dreq e shejtan e të bijtë e tij, dhe me paditurinë tënde të thellë i more ato për mbrojtës!
Të kërkova të më marrësh mua për Zot të vërtetë që ka mundësi për gjithçka, por ti besove se cilësitë e Mia i posedojnë edhe të tjerë.
Sa pak të këkova dhe sa shumë do të të jepja, por ti nuk pranove veçse të merrje fjalën e lloj-lloj filozofi e shkencëtari dhe jo fjalën Time. Sa keq veprove. Sa keq! I mjeri ti i mjeri!
Dosje: Allahu