Thotë Ebu Xherij el Huxhejmi: Shkova tek i Dërguari i Allahut sal-lAllahu alejhi ue sel-lem dhe i thashë: “O i Dërguar i Allahut, ne jemi njerëz të shkretëtirës prandaj na mëso diçka me të cilën Allahu i Lartmadhëruar do të na bëjë dobi!
Ai tha: Mos nënçmo asgjë prej veprave të mira, qoftë edhe të hedhësh (ujë) nga kova jote në enën e atij që kërkon ujë, apo t’i flasësh vëllait tënd me buzëqeshje në fytyrë.
Ruaju nga zgjatja e rrobës poshtë kyçit të këmbës sepse ajo është prej mendjemadhësisë, dhe Allahu i Lartmadhëruar nuk e do mendjemadhësinë.
Nëse dikush të ofendon me diçka që di për ty, ti mos e ofendo me atë që di për të. (Nëse e bën këtë, duron dhe nuk e ofendon) Ti do të shpërblehesh dhe fatkeqësia do të jetë për atë që e tha.”
E transmeton imam Ahmedi. Shejh Shuajb Arnauti ka thënë për të se zinxhiri i tij është i mirë.
Emin Bilali
Dosje: hadith