Transmeton Khalad bin es Saib nga babai i tij se i Derguari i Allahut sal-lAllahu alejhi ue sel-lem ka thënë: “Më erdhi Xhibrili dhe më tha t’i urdhëroj shokët e mi që t’i ngrejnë zërat me thënien e telbijes.”
E transmeton Ahmedi me nr. 16122, Ebu Daudi me nr. 1814, Tirmidhiu me nr. 829, Nesaiu 5/162 dhe Ibën Maxhe me nr. 2922. E ka saktësuar Tirmidhiu.
Tema e hadithit: Ngritja e zërit në thënien e telbijes në haxh.
Dobitë që përfitohen:
1. Në hadith ka argument se është mustehab ngritja e zërit në thënien e telbijes, ngase Xhibrili erdhi te Profeti alejhi selam dhe i tha t’i urdhërojë shokët e tij që t’i ngrejnë zërat me thënien e telbijes.
2. Xhibrili është njëri nga engjëjt e nderuar i ngarkuar me shpalljen.
3. Fjala “bil ihlali” në hadith d.m.th. me telbijen.
Autor: Ibën Uthejmin
Marrë nga libri: “Sherh bulugil-meram”.
Përktheu: Unejs Sheme
Dosje: Haxhi