Një fjalë e mirë të mbron nga zjarri, prandaj mos nënvlerëso asgjë prej veprave të mira.
Nga Adij ibn Hatim, Allahu qoftë i kënaqur prej tij, përcillet se i Dërguari i Allahut sal-lAllahu alejhi ue sel-lem ka thënë:
“Nuk ka ndonjë prej jush që nuk do t’i flasë Zoti i tij, dhe s’do të ketë mes tij dhe Atij përkthyes. Do të hedhë shikimin nga e djathta e tij dhe nuk do shikojë gjë tjetër veç asaj që ka vepruar, do të hedhë shikimin përpara tij dhe nuk do shikojë gjë tjetër veç zjarrit para fytyrës së tij. Prandaj ruajuni zjarrit qoftë dhe me gjysëm hurme, e ai që nuk gjen atëherë me një fjalë të mirë.”
Muttfeekun alejhi.
Nga ky hadithi kuptojmë:
1. Allahu do të flasë ty në ditën e gjykimit.
2. Atë ditë do të shohësh veprat e tua.
3. Atë ditë do të shikosh zjarrin (Allahu na ruajt prej tij).
4. Prej tij largohesh me çdo vepër të mirë, edhe me atë që duket e nënçmuar: “Prandaj mos nënçmo prej të mirave asgjë, qoftë edhe ta takosh vëllanë tënd me fytyrë të qeshur.” (Muslimi)
5. Fjala e mirë është shkak që të ruan prej dënimit.
Emin Bilali
Dosje: hadith