Një heretik (zindik) debatoi me Ibrahim bin Ed’hemin (Allahu e mëshiroftë). Zindiku i tha: Nuk ekziston koncepti i bereqetit (begatisë). Ibrahim bin Ed’hem ia ktheu: A i ke parë qentë dhe dhentë (delet)? Po, – ia ktheu ai. Cila prej këtyre dy kafshëve pjell më shumë, – e pyeti Ibrahimi? Ai i tha: Qentë pjellin deri në shtatë këlyshë, ndërsa dhentë deri në 3 qengja. Ibrahimi i tha: Nëse sheh përreth teje, çfarë të shikon syri më shumë? Zindiku i tha: Shoh se dhentë janë më shumë! Ibrahimi i tha: A nuk janë dhentë që konsumohen e theren më shumë (në dobi të njerëzve) e kështu numri i tyre duhet të jetë më i vogël?! Po, – iu përgjigj ai. E pra, kjo është begatia, – ia ktheu Ibrahimi.
Pastaj zindiku e pyeti: Pse ndodh kjo? Pse dhentë merituan bereqetin dhe jo qentë? Ibrahim bin Ed’hem i tha: Sepse dhentë flenë në fillim të natës dhe zgjohen para agimit, duke perfituar kohën e mëshirës dhe bereqetit. Ndërsa qentë lehin gjithë natën dhe kur afrohet mëngjesi shtrihen dhe flenë, dhe kështu u ikën koha e mëshirës dhe bereqeti.
Përktheu: Fatjon Isufi
Të Ngjashme
- A është e lejuar për gruan me mestruacione që të bëjë Istihara? Udha e Besimtarëve
- Nata e Kadrit Abdurrazak ibn Abdulmuhsin el-Bedër
- Bëhu i begatë kudo që të jesh Udha e Besimtarëve
- Përmendja e të metave dhe hapja e derës së dëshpërimit Udha e Besimtarëve
- Vepro duke qenë i pajisur me dituri Udha e Besimtarëve