A lejohet leximi i Kuranit për prindërit qofshin ata gjallë apo të vdekur, duke pasur parasysh se nuk dinë shkrim e as këndim?
Përgjigje: Ata kanë shpërblim për atë që të kanë mësuar ty Kuranin dhe kanë shpërblim për edukimin që të kanë dhënë, prandaj nuk ka nevojë të thuash: Unë po lexoj Kuran për prindërit e mi. Për çdo vepër të mirë që kryen fëmija për të cilën prindërit kanë qenë shkak, ne shpresojmë prej Allahut të Lartësuar që ajo të shkruhet në librin e veprave të tyre.
Leximi i Kuranit është një adhurim personal njësoj si namazi. Prandaj ashtu siç nuk i lejohet njeriut që të falë namaz në vend të prindërve të tij, po ashtu nuk i lejohet atij që ta lexojë Kuranin për prindërit e tij.
Rregulli përsa u përket adhurimeve është se tek ato ndalemi. (Sh.p.: Nuk veprojmë asgjë prej tyre nëse nuk kemi argument). Imam Ibën Kethiri përmend në tefsirin e tij tek fjala e Allahut të Lartësuar: “Dhe se njeriu nuk shpërblehet veçse për atë që ka vepruar”, – thotë: Imam Shafiu prej këtij ajeti ka kuptuar (ka nxjerrë rregullin fetar ) se nuk lejohet këndimi i Kuranit për të tjerët.
“Dhe se njeriut nuk i takon veçse ajo që punon.”
Allahu i Lartësuar është më i Dijshmi!
Shejkh Mesh’hur Hasen, Allahu e ruajt!
Përktheu: Emin Bilali
Të Ngjashme
- Si të veproj me nënën time e cila vuan nga një sëmundje e pashërueshme? Udha e Besimtarëve
- Çfarë gjykimi ka këndimi i sures El Fatiha në namazin e xhenazes? Udha e Besimtarëve
- Namazi me xhemat Udha e Besimtarëve
- A lejohet që një person të punojë si haxham (praktikues i hixhames)? Udha e Besimtarëve
- Kush e fal namazin e sabahut është nën mbrojtjen e Allahut Udha e Besimtarëve