Allahu i Lartësuar në librin e Tij thotë: “Ata (engjëjt) që e mbajnë Arshin edhe ata që janë përreth tij, lartësojnë me falënderim Zotin e tyre, i besojnë Atij dhe kërkojnë falje për ata që besuan: Zoti ynë, Ti me mëshirën dhe me diturinë Tënde ke përfshirë çdo gjë, andaj fali ata që u penduan.” Gafir: 7.
Imam Ibn Kajimi (Allahu e mëshiroftë) ka thënë: “Kur njeriu njësues i Allahut, pasues i rrugës së Tij dhe Sunetit të Profetit të Tij (sal-lAllahu alejhi ue sel-lem) bie në mëkat, mbajtësit e Arshit dhe ata përreth tij (Arshit) kërkojne falje për të (që Allahu t’a falë).”
Ed-Dau ued-Deua (1/108)
Dobi:
Nëse dëshiron që engjëjt të kërkojnë falje për ty tek Allahu i Lartësuar, atëherë bëhu:
- njësues dhe veçues i Allahut me adhurim,
- pasues i rrugës së Tij,
- pasues i rrugës dhe Sunetit të të Dërguarit të Tij (sal-lAllahu alejhi ue sel-lem).
Kjo tregon për vlerën e madhe të teuhidit e ai është e mira më e madhe, ndërsa e kundërta e tij është shirku i cili është e keqja më e madhe. Vlera dhe mirësia e pasimit të sunetit profetik është shpëtim dhe mbrojtës nga devijimi. E kundërta e tij është bidati dhe rrugët e devijimit, ku në krye të çdo rruge qëndron nga një shejtan i cili i fton njerëzit për në humbje, e sa të shumtë janë ata sot.
Përgatiti: Unejs Sheme
Dosje: Istigfari, Kërkimi Falje
Të Ngjashme
- A është e lejuar për gruan me mestruacione që të bëjë Istihara? Udha e Besimtarëve
- Nata e Kadrit Abdurrazak ibn Abdulmuhsin el-Bedër
- Bëhu i begatë kudo që të jesh Udha e Besimtarëve
- Përmendja e të metave dhe hapja e derës së dëshpërimit Udha e Besimtarëve
- Vepro duke qenë i pajisur me dituri Udha e Besimtarëve