Shumë prej nesh kalojnë para gjumit kohë të gjatë duke qëndruar në telefon, ndërkohë që përtojnë të lexojnë suren “Mulk”, e cila nuk kërkon më shumë se tre minuta.
Kjo sure e shkurtër bëhet shkak për faljen e gjynaheve, si dhe është ndërmjetësuese tek Allahu për atë që e lexon!
Ebu Hurejra (radijAllahu anhu) tregon se Profeti ﷺ ka thënë:
“Një sure nga Kur’ani, me tridhjetë ajete, ndërmjetëson për lexuesin e saj derisa t’i falen gjynahet; ajo është: Tebarekel ledhi bi jedihil mulk (surja Mulk).”
(Hadith Hasen; transmeton Ahmedi, Ebu Daudi, Tirmidhiu Nesaiu, dhe Ibn Maxheh)
Po ashtu, Xhabir bin Abdullah (radijAllahu anhuma) tregon se i Dërguari i Allahut ﷺ nuk flinte pa lexuar suren Sexhde dhe suren Mulk.
(Transmeton Ahmedi, Tirmidhiu, Nesaiu dhe Hakimi).
Abdullah ibn Mes’udi (radijAllahu anhu) ka thënë:
“Kush e lexon suren ‘Tebarekel ledhi bi jedihil mulk’ çdo natë, Allahu do ta mbrojë nga dënimi i varrit.
Ne, në kohën e të Dërguarit të Allahut ﷺ, e quanim këtë sure ‘El-Mania’ (Mbrojtësja).
Ajo është një sure në Librin e Allahut, që kush e lexon çdo natë, ka vepruar shumë dhe mirë.”
(Transmeton Nesaiu, Taberani dhe Hakimi)
Të Ngjashme
- Rëndësia e Ruajtjes së Sekretit Dr. Behar Hyseni
- Paralajmërimi nga ndjekja e të metave të njerëzve dhe cënimi i privatësisë së tyre Dr. Behar Hyseni
- Drejtësia – Themeli i qëndrueshmërisë së shoqërisë Shehul-Islam Ibn Tejmije
- Rëndësia e inkurajimit dhe fjalës së mirë Dr. Fatmir Strumi
- Suneti është shpallje nga Allahu sikurse Kurani – 1 – Dr. Behar Hyseni