Kush e fal namazin e sabahut është nën mbrojtjen e Allahut

Profeti sal-lAllahu alejhi ue sel-lem ka thënë: “Kush e fal namazin e sabahut (të mëngjesit) është nën mbrojtjen e Zotit, prandaj mos e cënoni nbrojtjen e Tij për asgjë. Kushdo që cënon diçka nga kjo mbrojtje Ai do ta arrijë atë, pastaj do ta përplasë për fytyre në zjarrin e xhehenemit.” Ky hadith është tranmetuar nga Muslimi në Sahihun e tij.
Fjala e Profetit sal-lAllahu alejhi ue sel-lem: “Kush e fal namazin e sabahut”, nënkupton faljen e namazit të sabahut.  Domethënë, kur e fal namazin e sabahut siç e ka urdhëruar Zoti i Mafhëruar, pra burri e fal atë me xhemat në xhami dhe gruaja e fal atë në kohën e vet, atëherë ai ose ajo janë në mbrojtjen e Allahut. “… në mbrojtjen e Zotit” do të thotë nën mbrojtjen, kujdesin dhe garancinë e Zotit të Lartësuar.
Kjo sepse vetëm ai që është i sinqertë me Allahun dhe tregon kujdes për faljen e namazit të sabahut. Ai që ka një besim të fortë zgjohet nga gjumi, heq dorë nga komoditeti dhe e fal këtë namaz ashtu siç e ka urdhëruar Allahu.
Po të mos ishte kjo forcë e besimit nuk do ta bënte këtë. Ky besimtar i sinqertë me Zotin i cili iu përgjigj thirrjes dhe e fali namazin e sabahut ashtu siç e urdhëroi Zoti, i është premtuar se do të jetë nën kujdesin dhe mbrojtjen e Allahut gjatë gjithë ditës.
Prandaj Profeti sal-lAllahu alejhi ue sel-lem tha: “Ndaj mos e shkelni mbrojtjen e Tij për asgjë.” Kjo do të thotë se askush nuk duhet ta shqetësojë këtë besimtar të sinqertë me Zotin, i cili e fali namazin e sabahut ashtu siç e urdhëroi Allahu.
Profeti sal-lAllahu alejhi ue sel-lem e paralajmëroi atë që e shqetëson këtë besimtar, duke thënë: “Kushdo që cënon diçka nga kjo mbrojtje Ai do ta përplasë me fytyrë në zjarr.” Ky është një paralajmërim për këdo që e shqetëson apo e sulmon besimtarin e sinqertë.
Muslimani duhet të ketë kujdes për këtë namaz dhe për të gjitha namazet në përgjithësi, por ky është më i rëndë sepse vjen pas periudhës së gjumit. Njeriu duhet të zgjohet nga gjumi, të lërë rehatinë, t’i përgjigjet thirrjes së Zotit të Lartësuar, dhe ta falë namazin e sabahut ashtu siç e ka urdhëruar Zoti. Kjo tregon forcën e besimit të tij.
Nëse e sheh veten se je i rregullt me faljen e namazit të sabahut me xhematin në xhami çdo ditë, kjo është dëshmi e forcës së besimit tënd me lejen e Allahut dhe se je i sinqertë me Të. Do të jesh nën mbrojtjen, kujdesin dhe garantimin e Zotit të Lartësuar.
Gjithashtu, në namazin e sabahut (dhe të ikindisë) mblidhen engjëjt. Engjëjt e natës dhe engjëjt e ditës ndërrohen në këtë kohë. Çdo njeri është i mbrojtur nga dy engjëj që e ruajnë me urdhërin e Allahut të Madhëruar, para tij dhe pas tij. Po ashtu dy engjëj të tjerë që shkruajnë veprat e tij; njëri nga ana e djathtë dhe tjetri nga ana e majtë. Këta janë katër engjëj që e rrethojnë njeriun dhe ndërrohen gjatë namazit të sabahut (agimit) dhe namazit të ikindisë (pasdites).
Profeti sal-lAllahu alejhi ue sel-lem ka thënë: Engjëjt ndërrohen me njëri-tjetrin gjatë natës dhe gjatë ditës. Ata mblidhen gjatë namazit të sahabut dhe gjatë namazit të ikindisë. “Pastaj Zoti i tyre i pyet ata (edhe pse Ai e di më mirë): Si i gjetët robërit e Mi? Ata përgjigjen: I gjetëm duke u falur dhe i lamë duke u falur.”

Autor: Shejh Sead el Hathlan

Përshtati: Fatjon Isufi

Dosje: namazin e sabahut