Faluni në drejtim të sutres

Udha e Besimtarëve • November 20, 2018

“Kur ndonjëri nga ju falet, le të falet në drejtim të sutrës dhe të qëndrojë pranë saj.” Si kuptohet ky hadith?

Transmetohet nga Ebu Seidi se i Dërguari i Allahut (sal-lAllahu alejhi ue sel-lem) ka thënë: “Kur ndonjëri nga ju falet, le të falet në drejtim të sutrës dhe të qëndrojë pranë saj.” Hadithin e transmeton Ebu Daudi dhe Ibën Maxhe.

Shejh Ibën Bazi (Allahu e mëshiroftë) thotë se zinxhiri i hadithit është i mirë (hasen). Hadithi tregon për ligjshmërinë e marrjes së sutrës (kur falesh) dhe e ligjshmërisë së qëndrimit pranë saj. Largësia mes personit dhe saj është rreth tre krahë.

Pyetje:

1. Disa dijetarë thonë se marrja e sutrës është detyrë.

Shejh Ibën Bazi (Allahu e mëshiroftë) ka thënë: Ajo që është e njohur tek dijetarët është se marrja e sutres është mustehab. Nuk di që dikush nga dijetarët e parë të ketë thënë se marrja e saj është detyrë (vaxhib).

2. Kalimi i burrit para gruas (në namaz) a i’a ndërpret namazin asaj?

Shejh Ibën Bazi (Allahu e mëshiroftë!) ka thënë: Kalimi i burrit nuk e ndërpret namazin e gruas dhe as të burrit, por namazin e ndërpret vetëm kalimi i gruas para burrit. Kalimi i saj i’a ndërpret namazin si gruas ashtu edhe burrit.

3. A duhet t’a përsërit namazin gruaja?

Shejh Ibën Bazi (Allahu e mëshiroftë) ka thënë: Nëse është namaz obligativ duhet t’a përsërit, e nëse është namaz vullnetar (nafile) nëse e përsëritë është më e mira.

4. A është e saktë se me ndërprerjen e namazit është mangësimi i shpërblimit apo zhvlerësimi i tij?

Shejh Ibën Bazi (Allahu e mëshiroftë) ka thënë: E sakta është zhvlerësimi i tij, ndërsa hadithi; “Asgjë nuk e ndërpret namazin” është hadith i dobët (daif).

5. (A e ndërpret namazin) Vajza e vogël?

Shejh Ibën Bazi (Allahu e mëshiroftë) ka thënë: Jo, vetëm gruaja që ka arritur moshën e pubertitetit (pjekurisë).

 

“Tealikatu esh-Shejh Abdulaziz bin Baz ala Munteka el-Ekhbar”. Lexoi tekstin në “Xhaminë Sarah” ditën e Hënë pas namazit të sabahut, shejhu i nderuar Abdulaziz bin Abdulla er-Raxhihi (Allahu e ruajtë).

Përktheu: Unejs Sheme

Të Ngjashme