Kush është më i vlefshëm: durimi apo falënderimi?
Dikush pyet duke thënë: Kush është më i vlefshëm; durimi gjatë sprovës apo falënderimi ndaj mirësive?
Kjo është çështje e diskutueshme mes dijetarëve, ndërsa Ibn Kajim el Xheuzije e ka shtjelluar imtësisht në librin e tij të vyer “Përgatitja e njerëzve të durueshëm dhe zahireja e njerëzve falenderues”.
Secili prej këtyre dy mendimeve mbështetet në argument dhe duket sikur mendimi që përkrah shejhul Islam ibn Tejmije është se; falënderimi ndaj mirësive është më i vlefshëm se durimi.
Kjo ngase falënderimi është veprim jo i detyrueshëm ndërsa durimi është i detyrueshëm.
Më parësore është që të mos gjykohet me një vendim të prerë e të pandryshueshëm duke thënë se kjo është më e mirë se kjo tjetra, sepse të dy mendimet mbështeten dhe kanë argumente shumë të forta. Kërkohet të shihet gjendja e durimtarit dhe ajo e falenderuesit, sepse ajo që e vendos këtë është devotshmëria. Ai që është më i devotshëm prej këtyre të dyve ai është më i miri. Allahu e di më së miri!
Abdul Kerim el Hudajr
Përktheu: Fatjon Isufi
Dosje: Durimi