Rregull i pandryshueshëm: Çdo gjë që përdoret për të kundërshtuar Allahun, ajo ka për tu prishur.

📜 Rregull i pandryshueshëm: Çdo gjë që përdoret për të kundërshtuar Allahun, ajo ka për tu prishur.

✍ Ibn Kajimi, Allahu e mëshiroftë, ka thënë:

“Ky rregull është i vlefshëm për çdo gjë që përdoret për të mëkatuar kundër Zotit, sepse Ai ia çrregullon (prish) atij që e kryen atë mëkat.

Nëse dikush e përdor pasurinë e tij për të mëkatuar, Allahu do t’ia prishë pasurinë. Nëse dikush e përdor pozitën e tij për të mëkatuar, Allahu do tia prishë pozitën. Nëse dikush e përdor gjuhën, zemrën ose ndonjë pjesë të trupit të tij për të mëkatuar, Allahu do t’ia prishë ato pjesë, edhe nëse ai nuk e ndjen prishjen e tyre.

E ku mund të ketë prishje më të madhe sesa prishja e një zemre që është zbrazur nga dashuria për Allahun, frika prej tij, shpresa te Ai, besimi te Ai, kthimi te Ai, qetësia me përmendjen e Tij, shoqëria me Të dhe gëzimi me afrimin ndaj Tij?

A nuk është kjo një zemër që është rrënjosur në prishje dhe i dëmtuari nuk e ndjen?
Çfarë prishje më të madhe mund të ketë sesa prishja e një gjuhe që është privuar nga përmendja e Allahut, leximi i fjalës së Tij, këshillimi i robërve të Tij, udhëzimi dhe thirrja e tyre për tek Allahu?

Çfarë prishje më të madhe mund të ketë sesa prishja e gjymtyrëve që privohen nga adhurimi i Krijuesit dhe shërbimi ndaj Tij dhe nxitimi për të fituar kënaqësinë e Tij?

Për ta përmbledhur, çdo gjë që përdoret për të mëkatuar kundër Allahut, Allahu e prish atë për personin që e kryen atë mëkat.

Një nga mëkatet më të mëdha të mendjes është kur ajo shmanget nga Libri i Allahut dhe shpallja që Ai i dha të Dërguarit të Tij dhe pasuesve të Tij, dhe krahasimi i fjalëve të Allahut me fjalët e të tjerëve. A ekzisron prishje më e madhe sesa prishja e kësaj mendjeje?!

📚 “Es-Savâ’ik el-Murseleh” 1/525.

Dosje: Rregull