Pendimi ka dy fryte: Fryti i parë është shlyerja e mëkateve derisa njeriu të bëhet si ai që nuk ka asnjë mëkat. Fryti i dytë është fitimi i gradave të larta derisa të bëhet mik i Allahut.
Shlyerja e mëkateve është disa llojesh; disa lloje të shlyerjes e fshijnë mëkatin të gjithin e disa lloje të saj e reduktojnë atë. Kjo vjen si pasojë e ndryshimit të llojeve të pendimit.
Ibën Kajimi, Allahu e pastë mëshiruar, ka thënë: “Në këtë jetë gjenden tre lumenj të mëdhenj ku pastrohen mëkatarët, e nëse këto tre lumenj nuk u mjaftojnë për t’u pastruar atëherë ata do të pastrohen në lumin e zjarrit të xhehenemit në ditën e gjykimit. Këta tre lumenj janë:
1-Lumi i pendimit të sinqertë.
2- Lumi i veprave të mira që dominojnë mbi mëkatet.
3- Lumi i sprovave të rënda që shlyejnë mëkatet.
Kur Allahu i do të mirën dikujt Ai e fut atë në njërin prej këtyre tre lumenjve ku pastrohet, dhe në ditën e gjykimit vjen i pastër duke mos qenë nevoja që ai të pastrohet në lumin e katërt.
“Medarixhus salikin” 1/178.
“Orientimi i muslimanëve” nga autori Xhemil Zejno.
Përktheu: Rexhep Milaqi
Të Ngjashme
- I lumtur është ai që kur vdes bashkë me të vdesin edhe mëkatet e tij Dr. Behar Hyseni
- Prej gjërave më të mira që mund t’i jepet robit është jeta e gjatë me vepra të mira. Dr. Behar Hyseni
- Fatkeqësia e Vdekjes së Dijetarëve Dr. Behar Hyseni
- Bekimi i të Kuptuarit: Ndërmjet Dritës së Diturisë dhe Hijeve të Pakujdesisë Udha e Besimtarëve
- Edukata e Kërkuesit të Dijes dhe Kriza e Sotme e Moralit! Dr. Fatmir Strumi