“Pyetje: Kush është (gjendet) në Medinen e ndritur[1] dhe falet në Xhaminë e Profetit, a është më e mira për të që namazin vullnetar ta falë në shtëpi apo në xhami?
Imam Ibën Bazi (Allahu e mëshiroftë!) thotë: Më e mira për të është që namazin vullnetar ta falë në shtëpi, bazuar në fjalën e Profetit sal-lAllahu alejhi ue sel-lem: “Namazi më i mirë për njeriun është ai që fal në shtëpinë e tij, përveç namazit të obliguar (farz)”. Mutefekun alejhi.
Përveç rastit kur namazi vullnetar (nafile) është prej namazeve të ligjësuar që të falet me xhemat, siç është namazi i teravive dhe namazi i kërkimit të shiut.
I pari (namazi teravive) falet në xhami kurse i dyti (i kërkimit të shiut) falet në vend të hapur me xhemat, ashtu siç ka vepruar Profeti – lavdërimi dhe paqja e Allahut qofshin mbi të – dhe shokët e tij pas tij – Allahu qoftë i kënaqur prej tyre.”
Burimi “Mexhmu fetaua ue mekalat” vëll. 30
Përktheu: Unejs Sheme.
[1] Më parësore është të thuhet në “Medinen e Profetit alejhis selam” sh.p.
Të Ngjashme
- Dikush kryen mëkate dhe thotë: Besimi është në zemër! Shejh Salih el-Feuzan
- A mund ti agjëroj ditët që i kanë mbetur borxh një të afërmi që ka vdekur? Lexhnetu Daime
- Nuk pranojnë ta falin Bajramin pas atyre që i kundërshtojnë në numrin e tekbireve? Shejh Muhamed ibn Salih el-Uthejmin
- Çfarë është namazi i Bajramit dhe si falet ai? Udha e Besimtarëve
- A është e lejuar për gruan me mestruacione që të bëjë Istihara? Udha e Besimtarëve